Rusiya XİN-dən Əliyev-Paşinyan görüşü ilə bağlı AÇIQLAMA

Baxış sayı: 
89
0  
0  

Rusiya Dağlıq Qarabağ münaqişəsinin siyasi yolla həll olunmasına tərəfdardır.

Bu barədə Ermənistanın baş naziri Nikol Paşinyanın Vyanada Azərbaycan Prezidenti İlham Əliyevlə görüşündən sonra verdiyi bəyanatları şərh edən Rusiya Xarici İşlər Nazirliyinin sözçüsü Mariya Zaxarova bildirib.

“Konkret fikirlərə qiymət verə bilməsəm də, Rusiyanın bu məsələnin siyasi yolla həllinə tərəfdar olduğunu bir daha təsdiq edə bilərəm”, - deyən Rusiya rəsmisi sözügedən məsələdə, ilk növbədə, tərəflər arasında qarşılıqlı razılaşmalara üstünlük verdiklərini qeyd edib.

“Əgər müəyyən məsələlərə və ya məqamlara dair mövqelər yaxınlaşırsa, biz bunu alqışlayırıq. Əgər bununla bağlı vasitəçilik etmək lazımdırsa, onda biz də ATƏT-in Minsk qrupu həmsədri olaraq öhdəliklərimiz çərçivəsində, əlbəttə ki, bu yardımı göstərməyə hazırıq. Prosesləri dəstəkləyir, təmasları saxlayırıq”, - M.Zaxarova fikrini tamamlayıb./report

Загрузка...
Загрузка...