Röyanın sərt sözlərinə Nadir Qafarzadədən REAKSİYA: “Ağlayanı da yoxdur”

“Röya bəzi radiolarımızı tənqid etdi. Əcəb də etdi. Röya, sən gərək kişi yaranaydın”.
Publika.az-ın məlumatına görə, bu sözləri müğənni Nadir Qafarzadə “Show time” verilişində səsləndirib. O, Əməkdar artist Röya Ayxanın radioları tənqid etməsini müsbət addım olduğunu deyib: “Röya, səndə bir ərlik, igidlik, güc, güvən var. Sənə baxanda sevinirəm ki, sən varsan. Mənim səndən, sənin məndən suyun keçmir. Toyda, konsertdə rastlaşanda salamlaşırıq. Həqiqəti deyən insanam. Yəni ki, sən sözünü deyə və yedizdirə bilirsən. Kiməsə deyirsən və o da həmin sözü udur. Bəli, bizim radiolarımızda musiqidən anlayışı olmayan, ümumiyyətlə, leksikonunda musiqi sözü olmayan bəzi musiqi redaktorları var ki, onlar orada olmamalıdırlar. Sabahdan mənim mahnılarımı radiolarda da verməyə bilərsiz. Onsuz da vermirsiniz. Çünki mən Azərbaycan dilində oxuyuram. Məndən “qıjı”, “çuşqa” mahnıları tələb edirsiz. Amma bağışlayın mənim təhsilim, musiqi savadım buna imkan vermir. Toyda o cür mahnılar oxuyacam, amma efir və radio üçün yox. Nə edək? Artıq Azərbaycan musiqisi rəhmətə gedib. Yerdən götürəni, ağlayanı da yoxdur. Yaxşı ki, Heydər Əliyev Fondu və Mehriban Əliyeva sayəsində muğamımız inkişaf edib. Buna da dəstək radio və televiziyalar olmalıdır. Çox təəssüf ki, bəzi radiolar dəstək deyil”.
Qeyd edək ki, R.Ayxan bir müddət öncə Azərbaycan radiolarını qınayaraq, bu sözləri demişdi: "Doğrudan da biabırçılıqdır. Soruşun niyə? Maşında gedirəm və artıq 5-ci radioya çevirmişəm ki, türk mahnıları oxunur. Görəsən, biz bu qədər pul buraxırıq, bunların haqqını kim verəcək? Dörd gecədir Nihat Odabaşı ilə klip çəkirik. Sonra da yekə-yekə deyirik ki, türklər gəlir Bakıya bizimkiləri tanımır. Bizimkilər onların əlindən öpür. Düzdür, mən öpməmişəm. Amma öpənlərimiz çox olub. Radiolara səslənib deyirəm ki, ya işinizi bilin, ya da "işinizi bilin"! Çünki adam sizin üçün heç mahnı da oxuyub vermək istəmir. Ona görə də sonra deməyin ki, bizi heç kim görmür, saymır. Siz özünüz özünüzü saymırsınız. Sizə uğurlar olsun, qınından çıxıb qınını bəyənməyənlər!"

Загрузка...
Загрузка...