İlham Əliyev: "Əsgərlərimiz ermənilərə elə dərs veriblər ki...."

Baxış sayı: 
64
1  
0  

"Bu düşmənə yaxşı bir siqnaldır ki, otursun yerində, yoxsa, axırı pis olar"

"Bir neçə gün bundan əvvəl onların silahlı təxribatı nəticəsində Ermənistan-Azərbaycan sərhədində atışma olubdur və əsgərlərimiz onlara elə dərs veriblər ki, çətin ki, yaxın günlərdə özlərinə gəlsinlər". İstiPress-in məlumatına görə, bunu prezident İlham Əliyev Biləsuvardakı çıxışı zamanı deyib. 

O, qeyd edib ki, bu gün Ermənistan ordusu Azərbaycanla rəqabət apara bilməz. Ermənistan indi çox ağır vəziyyətə düşüb. İyirmi il Ermənistana rəhbərlik etmiş kriminal diktatura rejimi çöküb.

"Mən dəfələrlə demişdim ki, Ermənistanı quldur dəstə idarə edir və bu gün bunu erməni xalqı deyir. Ancaq əfsuslar olsun ki, Ermənistanda rəhbərliyə gəlmiş yeni simalar öz məsuliyyətini dərk etmir, sarsaq bəyanatlar verirlər və təmas xəttində, Ermənistan-Azərbaycan sərhədində gərginliyə rəvac verən addımlar atırlar. Azərbaycan Ordusu onlara layiqli cavabını verir, verəcək, necə ki, 2016-cı ilin aprel döyüşlərində onları yerinə oturtdu, torpaqlarımızın bir hissəsini azad etdi, bu ilin may ayında Naxçıvan istiqamətində uğurlu əməliyyat nəticəsində böyük ərazi nəzarətimizə keçdi. Bundan sonra da biz onlara lazım olan vaxtda tutarlı cavablar verəcəyik. Düşmən bilir ki, bizim qarşımızda duruş gətirə bilməz".

Prezident deyib ki, bu istiqamətdə siyasətimiz ardıcıl olaraq aparılacaq, ordumuz daha da gücləndirəcək, daha da böyük vəsait ayıracaq və döyüş qabiliyyətini daha da möhkəmləndirəcəyik. "Nümayiş etdirilən paradda bizim texniki imkanlarımız, əsgər-zabitlərimizin hazırlığı düşmənə yaxşı bir siqnaldır ki, otursun yerində, yoxsa, axırı pis olar".

 
 
 
Загрузка...
Загрузка...