Fəzail Ağamalı xanım jurnalisti özünə müşavir təyin etdi - Foto

Baxış sayı: 
41
3  
1  

 
Jurnalist Jalə Mütəllimova Ana Vətən Partiyasının sədri Fəzail Ağamalının müşaviri təyin edilib.
 
Teleqraf.com xəbər verir ki, bu barədə jurnalist özü sosial şəbəkədə yazıb.
 
Jalə Mütəllim qızı Mütəllimova 1976-cı ildə Zərdab şəhərində anadan olub. Azərbaycan Dövlət Dillər Universitetinin ölkəşünaslıq, Azrbaycan dili və ədəbiyyatı fakültəsinin məzunudur.
 
1993-1994-cü illərdə “Müxalifət” və “Cümhuriyyət” qəzetlərində çalışıb. 1995-1999-cu illərdə “Azadlıq” qəzetində aparıcı reportyoru olub. “Kaspi” qəzeti və “Azadinform” xəbər agentliyində çalışıb. 2000-2004-cü ilədək “Azadlıq” radiosunun Bakı ofisində efir moderatoru, reportyor kimi fəaliyyət göstərib.
 
2005-ci ildən APA İnformasiya Agentliyinin əməkdaşı kimi çalışıb. 2006-2012-ci illərdə "Azərbaycan Dövlət Televiziyası və Radiosu" Qapalı Səhmdar Cəmiyyətində fəaliyyət göstərib. Dövlət Televiziyasının İctimai-siyasi Proqramlar Redaksiyasında redaktor olub. 2013-cü ildə “APA Holdinq”də yenidən fəaliyyətə başlayıb.
 
2015-ci ildən “Yeni Müsavat” qəzetində köşə yazarıdır. Paralel olaraq Azərbaycan Respublikası Təhsil Nazirliyində, “Təhsil TV”də və “Azərbaycan müəllimi” qəzetində layihə təhbəri, yazar olaraq fəaliyyətdədir.
 
2019-cu ildən Azərbaycan Prezidenti İlham Əliyevin siyasi kursunun dəstəkləyən, sosial ədalətsizliklərin göstəricisi olan məsələləri işıqlandırmaq üçün jalebloq.az saytını yaradıb, fərdi bloq fəaliyyəti ilə məşğuldur. Ailəlidir, üç övladı var.
 
Müəllif: Teleqraf.com

Загрузка...
Загрузка...