​Bakıda küçələrdə yatan 16 yaşlı oğlanla bağlı AÇIQLAMA

Baxış sayı: 
49
2  
0  

Bakıda küçələrdə yatan 16 yaşlı yeniyetmə müalicə mərkəzinə yerləşdirilib.
 
Publika.az xəbər verir ki, bu barədə Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr şöbəsinin müdiri Murad Həşimov məlumat verib.
 
O qeyd edib ki, agentliyin nümayəndələri sosial şəbəkələrdə çətin həyat şəraitinə məruz qalması barədə fotosu yayılan yeniyetmə ilə görüşərək ona sığınacağa yerləşdirilməsini təklif ediblər:
 
"Lakin Cavidin (şərti addır) bundan imtina etməsindən sonra həyati önəm daşıyan tibbi problemlərinin, zəruri müalicə və reabilitasiyaya ciddi ehtiyacının olduğunu öyrəndik. Beləliklə, Daxili İşlər Nazirliyi və Ailə, Qadın və Uşaq Problemləri üzrə Dövlət Komitəsi ilə birgə əməkdaşlarımız Cavidin anası ilə də görüşərək razılığını almaqla lazımi müalicə müəssisəsinə yerləşdirdilər. Hazırda müalicə olunur. Əminik o, normal həyata sahib olacaq".

Загрузка...
Загрузка...