Bakı metrosundakı intiharın GÖRÜNTÜLƏRİ YAYILDI - VİDEO (YENİLƏNDİ)

Baxış sayı: 
195

"Qara Qarayev" stansiyasında baş verən intihar hadisəsinin görüntüləri yayılıb.
Publika.az Unikal.org-un əldə etdiyi görüntüləri təqdim edir:
***
3 saylı Şəhər Klinik Xəstəxanasından Publika.az-a verilən məlumata görə, şəxs səhər saatlarında ağır vəziyyətdə cərrahiyyə şöbəsinə gətirilib.
Xəstə qapalı kəllə beyin travması və hər iki ayağının sınığı diaqnozu ilə reanimasiyaya yerləşdirlib. Həkimlərin səyinə baxmayaraq, onun həyatını xilas etmək mümkün olmayıb.
Xəstənin üzərində şəxsiyyətini təsdiq edən sənəd olmadığı üçün onun kimliyini müəyyən etmək mümkün olmayıb.
***
"Bakı Metropoliteni" QSC-nin mətbuat xidmətinin rəhbəri Nəsimi Paşayev Publika.az-a bildirib ki, hadisə bu gün saat 09:18 radələrində "Qara Qarayev" metrostansiyasında baş verib.
"Həzi Aslanov" metrostansiyasından "Dərnəgülə"ə gedən, 28 saylı marşrut üzrə hərəkət edən qatar “Qara Qarayev” metrostansiyasına daxil olanda 60-70 yaşında bir kişi özünü qatarın altına atmaq istəyib. Qatar həmin şəxsi vuraraq platformaya atıb, intihara cəhd edən şəxs relslərin üzərinə düşməyib.
Qurumun sözçüsü bildirib ki, hadisə yerinə təcili tibbi yardım çağırılıb. İntihara cəhd edən şəxsin vəziyyəti ağırdır.
Faktla bağlı hüquq-mühafizə orqanları araşdırma aparır.
***
Bakı Metropolitenində intihara cəhd qeydə alınıb.
Hadisə metronun "Qara Qarayev" stansiyasında baş verib. Saat təqribən 09:18-də "Həzi Aslanov" - "Dərnəgül" xətti üzrə hərəkət edən qatar "Qara Qarayev stansiyasına daxil olmaq istəyərkən təxminən 60 yaşlı, əlində əsa olan kişi özünü qatarın altına atmağa cəhd edib.
Maşinistin sayıqlığı nəticəsində intihar cəhdinın qarşısı alınıb. Yaşlı kişi qatara dəyərək platformaya yıxılıb.
Hadisə yerinə təcili tibbi yardım briqadası çağırılıb və yaralı xəstəxanaya yerləşdirilib.
İntihara cəhd edən şəxsin kimliyi məlum deyil. (trend)

Загрузка...
Загрузка...