Azərbaycanda sabiq məhkəmə sədrinin öldürülməsinin ŞOK TƏFƏRRÜATI - VİDEO (YENİLƏNDİ)

Baxış sayı: 
43
1  
0  

Video əlavə olunub.
 
***
 
Tovuz rayonunda sabiq məhkəmə sədrinin qətli ilə bağlı bəzi təfərrüat məlum olub.
 
Firudin Ələkbərli və Əli Şəmiyev arasında mübahisə rayon ərazisində fəaliyyət göstərən, Ə.Şəmiyevə məxsus restoranda natəmizliyin olması və restoranın çirkab sularının çaya axıdılmasına qarşı F.Ələkbərlinin sərt münasibət göstərməsi olub.
 
Belə ki, F.Ələkbərli dəfələrlə restorandakı vəziyyətlə bağlı hüquq-mühafizə orqanlarına və aidiyyəti idarələrə şikayət məktubu ünvanlayıb. Bundan başqa, F.Ələkbərli restorandakı vəziyyətlə bağlı Ə.Şəmiyev barəsində Tovuz Rayon Məhkəməsinə də müraciət edib. Məhkəmədə keçirilən proses zamanı hakim Ə.Şəmiyevin xeyirinə qərar çıxarıb.
 
Bundan sonra tərəflər arasında münasibətlər daha da gərginləşməyə başlayıb və onlar bir neçə dəfə mübahisə ediblər.
 
Sonuncu görüş zamanı tərəflər yenidən mübahisə ediblər. Hadisə şahidləri bildiriblər ki, Ə.Şəmiyev F.Ələkbərlidən bir daha onun barəsində şikayət etməməyi tələb edib. F.Ələkbərli isə ölənə qədər ondan əl çəkməyəcəyini deyib. Bu zaman Ə.Şəmiyev üstündə gəzdirdiyi "TT" markalı tapança ilə F.Ələkbərliyə tərəf bir neçə dəfə atəş açıb. Güllələrdən 3-ü ona dəyib. Ağır xəsarət alan F.Ələkbərli xəstəxanada ölüb.
 
Qeyd edək ki, Əli Şəmiyev rayonda tanınmış iş adamıdır. Onun rayon ərazisində restoran, otel və bir neçə biznes obyektlərinin olduğu bildirilir. (report)
 
***
 
11:03
 
Tovuzda vəkil Firudin Ələkbərlinin qətlə yetirilməsi ilə bağlı cinayət işi başlanıb.
 
Bu barədə Tovuz rayon Prokurorluğundan məlumat verilib.
 
Məlumatda bildirilir ki, sentyabrın 13-də səhər saatlarında 1959-cu il təvəllüdlü Əli Şamıyev Tovuz rayonunda nümayəndəlik fəaliyyəti ilə məşğul olan 1963-cü il təvəllüdlü Firudin Ələkbərlini Tovuz şəhərində şəxsi münaqişə zəminində odlu silahdan atəş açmaqla qəsdən öldürüb. Faktla bağlı dərhal hadisə yerinə polis və prokurorluq orqanları əməkdaşlarının iştirakı ilə baxış keçirilib, məhkəmə-tibb ekspertizası təyin olunub, hazırda zəruri istintaq tədbirləri davam etdirilir.
 
Faktla bağlı Tovuz rayon Prokurorluğunda Cinayət Məcəlləsinin 120.1-ci (qəsdən adam öldürmə) və 228.1-ci (Qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddələri ilə cinayət işi başlanıb.
 
Ə.Şamıyevin F. Ələkbərlini qəsdən öldürməsinə kifayət qədər şübhələr olduğundan o şübhəli şəxs qismində tutulub.
 
Hadisəni törədən Ə. Şamıyev könüllü olaraq polisə təslim olub. (trend)
 
***
 
09:56
 
Bu gün Tovuz rayonunda vəkillik fəaliyyəti ilə məşğul olan şəxsin güllələnməsi ilə bağlı bəzi məqamlar aydınlaşıb.
 
Publika.az-ın əldə etdiyi məlumata görə, hadisə Firudin Ələkbərlinin Tovuz şəhərinin mərkəzində Keçid deyilən əraziyə yaxın yerləşən ofisinin qarşısında baş verib.
 
Belə ki, naməlum şəxs F.Ələkbərliyə yaxınlaşaraq odlu silahla atəş açıb. Qarın nahiyəsindən ağır xəsarət alan F.Ələkbərli Tovuz Rayon Mərkəzi Xəstəxanasına çatdırılıb. Həkimlərin səyinə baxmayaraq, onun həyatını xilas etmək mümkün olmayıb.
 
Bildirilir ki, F.Ələkbərlini tanışı Əli Şəmiyev güllələyib və o, artıq tutulub.
 
O da məlum olub ki, F.Ələkbərli Vəkillər Kollegiyasının üzvü deyil və Tovuzda məhkəmə proseslərinə nümayəndə kimi çıxırmış. O, illər əvvəl Tovuz rayon Məhkəməsinin sədri vəzifəsində çalışıb və 1995-ci ilin may ayında vəzifədən azad edilərək hakimlik səlahiyyətinə vaxtından əvvəl xitam verilib

Загрузка...
Загрузка...