​Akademikdən koronavirus pandemiyasının dağıdıcı təsiri barədə XƏBƏRDARLIQ

Baxış sayı: 
88
1  
0  

Son doqquz ayda dünyada koronavirus pandemiyası nəticəsində təxminən 1 milyon insan ölüb, eyni dövrdə ürək-damar xəstəliklərindən 17 milyona yaxın ölüm faktı qeydə alınıb.
 
Publika.az xəbər verir ki, bu cür statistik məlumatları Rusiya Elmlər Akademiyasının akademiki, Kardioloq Cəmiyyətinin prezidenti, Səhiyyə Nazirliyinin baş mütəxəssisi Yevgeni Şlyakşto təqdim edib.
 
Mütəxəssis “Ürəyinizin yaşını ölçün” onlayn layihəsinin nəticələrinə dair keçirilən mətbuat konfransında çıxışı zamanı koronavirusun ikinci və ya üçüncü dalğasının deyil, dördüncü dalğasının daha qorxulu olacağını qeyd edib. Akademik pandemiyanın səbəb olduğu uzaq sağlamlıq problemlərini nəzərdə tutub. Məsələn, psixi travmanın və ya xroniki xəstəliklərin kəskinləşməsinin nəticələri. Onun fikrincə, dördüncü dalğa üçün əsas risk qrupu ürək-damar xəstəliyindən və ürək çatışmazlığından əziyyət çəkən insanlar olacaq. Akademik pandemiyanın əsas dövrünü yalnız ən müasir və yenilikçi təbabətə sahib olan ölkələrin keçdiyini vurğulayıb.
 
Xatırladaq ki, BMT Baş katibi Antonio Quterreş koronavirus pandemiyasını “beşinci qiyamət” adlandırmışdı. Onun sözlərinə görə, mikroskopik virus “bütün dünyanı diz çökdürdü”.
 
Aytən Məftun

Загрузка...
Загрузка...