Abşeronun həbs edilən baş memarı hələ də “vəzifədə” - FOTO

Baxış sayı: 
77
1  
0  

Baş prokuror yanında Korrupsiyaya qarşı Mübarizə Baş İdarəsinin Abşeron Rayon İcra Hakimiyyətində həyata keçirdiyi əməliyyatdan sonra həbs edilən Memarlıq və tikinti şöbəsinin müdiri (baş memar) Akif Əliyevin adı hələ də qurumun rəsmi saytında saxlanır.
 
Hit.Az-ın verdiyi xəbərə görə, A.Əliyev barəsində həbs qətiimkan tədbiri seçilsə də, Abşeron İH-nin saytında baş memar olaraq göstərilməkdədir.
 
Qeyd edək ki, həyata keçirilən kompleks əməliyyat-istintaq tədbirləri ilə Abşeron Rayon İcra Hakimiyyəti Memarlıq və tikinti şöbəsinin müdiri (baş memar) Akif Əliyevin vətəndaşa tikinti üçün hər hansı layihə hazırlanmadan və rayon İcra Hakimiyyətinə tikintiyə icazə üçün rəsmi qaydada müraciət olunmadan, müvafiq zəruri sənədləşmə aparılmadan tikinti aparılması üçün ümumi himayədarlığı həyata keçirəcəyini bildirib, Abşeron Rayon İcra Hakimiyyəti MKTB-nin Xırdalan şəhəri 3 saylı Mənzil Təsərrüfat İstehsalat İstismar təmir sahəsinin rəisi Murad Əhmədovun vasitəsilə 3000 manat məbləğində pul vəsaitini rüşvət qismində istəyib almasına, daha sonra tikinti obyektində aparılan tikinti-quraşdırma işləri zamanı ümumi sahə həcminin artmasını bildirib əlavə olaraq vətəndaşdan 1500 manat məbləğində pul vəsaitini rüşvət qismində almasına, Murad Əhmədovla aralarında bölməklə şəxsi ehtiyaclarına sərf etməsinə əsaslı şübhələr müəyyən edilib.
 
Bununla əlaqədar Akif Əliyev 23 iyun 2020-ci il tarixdə Cinayət Məcəlləsinin 311.2-ci (rüşvət alma) maddəsi ilə təqsirləndirilən şəxs qismində cəlb edilməklə ona həmin maddədə nəzərdə tutulan ittiham elan olunmuş, Binəqədi Rayon Məhkəməsinin qərarı ilə barəsində 4 ay müddətə həbs qətimkan tədbiri seçilib.

Загрузка...
Загрузка...